LDK formon grupe për vazhdimin e reformave

Lidhja Demokratike e Kosovës ka mbajtur mbledhjen IV të
Këshillit të Përgjithshëm. Në mbledhje është diskutuar informata për
zgjedhjet e fundit të parakohshme në Kosovë.Po ashtu është
marrë vendimi për themelimin e katër grupeve punuese për: 1. Programin
Politik të LDK-së, 2. Programin qeverisës, 3. Platformën zgjdhore dhe 4.
Ndryshimin e Statutit të partisë.
“Vendimi i sotëm i Këshillit të Përgjithshëm për themelimin e grupeve
punuese i jep mbështetje procesit të reformimit të mëtejmë të LDK-së
dhe operacionalizimit të punëve konkrekte në këtë drejtim”, thuhet në
një njoftim për media. /Telegrafi/