Gjatësia e gishtave tregon gjatësinë e organit mashkullor

Lidhshmëria mes gjatësisë së gishtave dhe gjatësisë së penisit
shumë herë ka qenë temë e hulumtimeve, ndërsa pas disa studimeve,
shkencëtarët koreanë kanë zbuluar se meshkujt të cilët e kanë gishtin e
unazës më të gjatë se gishti tregues, kanë edhe penis më të gjatë. Gishti
i unazës te shumica e meshkujve është pakëz më i gjatë se gishti
tregues, ndërsa shkencëtarët kanë zbuluar se sa më i madh të jetë
dallimi në këtë gjatësi, aq më të mëdha janë edhe proporcionet e
penisit.
Ndërkaq, studimet e mëparshme kanë treguar se raporti mes gishtit të
unazës dhe atij tregues është i lidhur edhe me ekspozimin ndaj hormoneve
seksuale mashkullore dhe femërore (testosteron dhe estrogjen).
Prandaj për meshkujt me gisht më të gjatë të unazës është thënë se
janë të ekspozuar më shumë ndaj testosteronit dhe kanë prirje më të
madhe për agresion, seksualitet, inteligjencë dhe aftësi sportive.
Femrat, nga ana tjetër, kanë afërisht gjatësi të njëjtë të gishtit të
unazës dhe atij tregues, prandaj janë më pak të ekspozuara ndaj këtyre
hormoneve. /Telegrafi/