Çaji i gjelbër e ul kolesterolin, por jo mjaftueshëm

Çaji i gjelbër ul nivelin e kolesterolt të keq
(LDL-kolesterolit), ndërsa nuk e ndryshon nivelin e kolesterolit të
mirë, thonë shkencëtarët kinezë.

Ekspertët kanë analizuar
rezultatet e 14 studimeve, gjatë të cilave pjesëmarrësit kanë konsumuar
çaj të gjelbër ose ekstrakt të këtij çaji. Rezultatet kanë treguar se ky
çaj ka zvogëluar nivelin e kolesterolit të keq për 2 %.
Ulja e tillë nuk është e mjaftueshme, prandaj ky çaj nuk mund të
rekomandohet si zëvendësim i medikamenteve të dëshmuara që ulin
kolesterolin. Për këtë arsye, ekspertët më së shumti e rekomandojnë këtë
çaj vetëm për efektin e tij si parandalues të sëmundjeve të ndryshme,
siç janë sëmundjet kardiovaskulare dhe kanceri. /Telegrafi/