Studimi: Truri, drejtuesi më i mirë i një makine

Nëse drejtimi i një makine do të lidhej drejtpërdrejt me trurin,
atëherë mbi 90% e aksidenteve do të reduktoheshin. Në këtë përfundim
kanë arritur një grup shkencëtarësh në Berlin, të cilët kanë simuluar
drejtimin e makinës përmes trurit.Instituti i Teknologjisë
në Berlin, falë teknologjisë electroencephalograhy (EEG), ka zhvilluar
një sërë testesh me 18 persona vullnetarë, të cilëve u është vendosur
një maskë në kokë që lidh sinjalet e trurit me pedalin e frenave dhe të
gazit të automobilit.



Nga testet rezultoi se në 90% të rasteve, sinjalet që truri dërgonte
për frenim ishin aq të shpejta sa shmangte edhe rastet më ekstreme të
aksidentit. Ato kanë rezultuar të suksesshme edhe kur një makinë me
shpejtësi 100 km/h ka patur një distancë me makinën përballë prej vetëm
3.66 metrash.

Por pavarësisht se kjo teknologji ka rezultuar e suksessshme do të
duhet shumë kohë përpara se ta shohim atë në një makinë të vërtetë.
/Telegrafi/