Shota Baraliu: Jam e dashuruar

Këngëtarja dhe aktorja kosovare Shota Baraliu, gjatë një interviste për mediat shqiptare ka pranuar që është e dashuruar por nuk e ka zbuluar emrin e tij.

Ajo ka thënë se lidhjen e saj nuk dëshiron ta bëjë publike, sepse dëshiron ta mbaj për vete.

“Po, jam e dashuruar, nuk kam dashur ta bëj publike lidhjen, sepse të dashurin dua ta kem për vete e jo për mediat, sepse po fillove të bësh publike çdo gjë, normalisht që do lindin probleme, kështu që tani për tani mirë jam”, ka thënë Shota.

Përveç kësaj Shota ka treguar që pasi të martohet ajo nuk do të merret më me muzikë.

“Shpresoj të kem një familje të shëndoshë, ta duam njëri-tjetrin. Sa i përket muzikës, nuk ma merr mendja që do vazhdoj dhe pas martesës, e me aktrim normalisht që do vazhdoj maksimalisht, sepse e kam profesion dhe e dua shumë”, ka pohuar Shota. /Telegrafi/