Trajkovic: Thaçi po sillet si lider i UÇK-së në vitin 1999

Kryetarja e OJQ-së “Lëvizja evropiane e serbëve”, Rada Trajkovic ka vlerësuar se në Kosovë diskriminimi institucional është realitet.

Kjo vërehet me ngjarjet e fundit në Kuvendin e Kosovës ku para dy ditësh është fshirë rekomandimi i Marti Ahtisaarit për Prizrenin dhe për privilegjet që i referoheshin Kishës Ortodokse Serbe, ka vlerësuar Trajkovic për Radio “KiM”, transmeton “Koha.net”.

Kjo, siç ka shtuar ajo, flet edhe faktin se ata e kanë përgatitur ligjin i cili në tërësi është kundër krijimit të kanalit serb në Graçanicë, e që kanë dashur ta vendosin në Prishtinë që nga njëra anë t’i marrin paratë e në anën tjetër ta kontrollojnë politikën redaktuese.

“Kjo vërehet edhe përmes sjelljes së ministrisë kryesore për demokratizim dhe për jetë normale – Ministrisë së Policisë e cila funksionon krejtësisht në zinxhirin komandues paralel shqiptar”.

Ajo ka vlerësuar se është e qartë se serbët në veri e kanë të vështirë të mësohen me mënyrën e jetesës që e bëjnë serbët nëpër enklava dhe që në rast të ndarjes serbët në jug të Ibrit do të iknin. Sipas saj, e njëjta situatë do të ishte në veri në rast se kjo pjesë e Kosovës integrohet në sistemin kosovar .

"Jam shumë e brengosur me fuqinë e serbëve në hapësirën Kosovës, sepse një pozicioni humbës nuk kemi si t’i ikim. Dhe kjo është ajo që më brengos”, ka theksuar Trajkovic.

"Duke vërejtur këtë situatë, unë dua të them hapur se kryeministri i Kosovës Hashim Thaçi, në kohë fundit po sillet lider i UÇK-së në vitin 1999". /Telegrafi/