Ivanovic: Cooperi ka ardhur për t’i bërë Beogradit presione

Përfaqësuesi evropian në bisedimet mes Prishtinës dhe Beogradit, Robert Cooper, ishte dje një vizitë të papritur në Beograd, ku është takuar me shefin e delegacionit serb për bisedime me Prishtinën, Borislav Stefanovic.

Milan Ivanovic, i ashtuquajturi kryetar i Këshillit Nacional serb ka thënë se “kjo nuk ishte vizitë e rastësishme” por se ka ardhur për të bërë presione në pushtetin serb.

“Shefi i diplomacisë shqiptare lobon për Rezolutën shqiptare që kërkon eliminimin e institucioneve serbe në veri”, ka thënë ai për “Vesti”.

“Nuk e di pse flasim me Cooperin në vend se me KFOR-in dhe UNMIK-un. Partitë në pushtet nuk kanë qëndrim unik, ndërsa Boris Tadic çdo ditë jep deklarata tjera për Kosovën”.

Vizitat e Cooperit në Beograd e Prishtinë i paraprinë takimit të radhës në Bruksel, që pritet të mbahet më 2 shtator.

Kryenegociatorja Edita Tahiri, që sot do të takohet me Cooperin, nuk ka dashur të japë hollësi për temat që do të diskutohen në takimin e radhës në Bruksel. Arsyetimi i saj për “Koha Ditore” ishte se pret takimin me ndërmjetësin Cooper. /Telegrafi/