Konfiskohet automjeti nga i cili u vra Enver Zymberi

Gjatë operacionit të sotëm në veri të Kosovës, në lidhje me hetimet e ngjarjeve të dhunshme të pas 25 korrikut, pos provave të ndryshme dhe armëve, EULEX-i ka konfiskuar edhe një automjet, nga i cili dyshohet se është shtënë me armë zjarri me rastin e vrasjes së pjesëtarit të njësitit special të PK-së, Enver Zymberi.

“Të gjitha këto prova tani janë duke u analizuar nga prokurorët dhe hetuesit. Ky operacion ka kaluar në mënyrë të qetë, pa ndonjë incident të madh”, thuhet në komunikatën e misionit evropian.