EULEX për ripërtëritjen e kontrollit doganor

Misioni i Bashkimit Evropian në Kosovë, EULEX, po i shqyrton me institucionet e Kosovës detajet konkrete të vendosjes së sërishme të kontrollit doganor në pjesën veriore të Kosovës, ka thënë zëdhënësi i EULEX-it, Nicholas Hawton.

“Së bashku me institucionet e Kosovës po punojmë në vendosjen e kontrollit normal doganor në të dy vendkalimet, ndërsa detajet konkrete janë në shqyrtim e sipër”, ka thënë zëdhënësi Hawton, raporton agjencia Beta.

Këto komente ai i bëri pasi ishte pyetur për paralajmërimet e kryeministrit të Kosovës, Hashim Thaçi, se marrëveshja për vulat doganore do të filloj të zbatohet më 16 shtator dhe se “doganierët e Kosovës do të jenë edhe në pikat 1 dhe 31 dhe do të jenë udhëheqës të doganës”. /Telegrafi/