Arrestohen tre aktivistë të Vetëvendosjes!

Aktivistët e Lëvizjes Vetëvendosje u tubuan para hyrjes kryesore të Kuvendit Komunal të Prizrenit, që të shprehin pakënaqësinë rreth projektligjit për qendrën e Prizrenit, i cili sot po debatohet nga këshilltarët komunalë të qytetit.

Policia tentoi që t’i shpërndante aktivistët, duke arrestuar arrestoi tre prej tyre. Aktivistët e arrestuar janë Kushtrim Dakaj, Edi Kabashi dhe Jaser Ymeri.

“Megjithë përpjekjen e policisë, protesta po vazhdon dhe asaj po i bashkëngjiten edhe qytetarët e Prizrenit. Mbledhja e Kuvendit Komunal po vazhdon, ndërkaq përballë protestuesve qëndron njësia speciale e policisë, e cila e ka bllokuar hyrjen”, thuhet në komunikatën e lëshuar nga Lëvizja Vetëvendosje! /Telegrafi/