Pacolli: Omani njeh pasaportat e Kosovës

Zëvendëskryeministri Behgjet Pacolli, pas kontakteve të fundit me përfaqësuesit e Sulltanatit të Omanit, sqaron se ky vend është i gatshëm të vazhdoj thëllimin e marrëdhënieve diplomatike dhe ekonomike me Kosovën.

“Sulltanati i Omanit njeh pasaportat e Republikës së Kosovës, duke mundësuar lëvizjen e lirë të qytetarëve, të mallrave, të ideve dhe bashkëpunimin ndërbiznesor”, thuhet në njoftim e dërguar nga zyra për informim e zëvendëskryeministrit Pacolli.

Ndryshe, Pacolli gjendet aktualisht në Afrikë në kuadër të angazhimeve lobuese për njohje të reja për shtetin e Kosovës. Mirëpo, zyra për informim thekson se emrat e vendeve të cilat do t’i vizitojë Pacolli gjatë ditëve në vijim, në këtë turne lobues, “tani për tani nuk do të bëhen publik”. /Telegrafi/