Limaj më 20 shtator në prokurori për korrupsion

Deputeti i PDK-së dhe ish-ministri i Transportit dhe Telekomunikacionit, Fatmir Limaj, ka marrë ftesën nga Prokuroria që më 20 shtator të paraqitet për intervistim lidhur me rastin e korrupsionit, ka bërë të ditur avokati i tij, Tomë Gashi.

Sipas Gashit, një ditë më herët do të publikohet interpretimi i Gjykatës Kushtetuese mbi çështjen e imunitetit të deputetit. Ndërkohë, sipas mediave, zëdhënësi i Gjykatës Kushtetuese, Veton Dula, ka mohuar të jetë përcaktuar ndonjë datë për dhënie të sqarimit nga Gjykata, por nuk ka dhënë hollësi për fazën në të cilën po zhvillohet procesi.

Sqarimi i Gjykatës për imunitet pritet t`i përcaktojë procedurat ligjore, të cilat do të ndiqen në rastin e çështjes “Kleçka”, përfshirë edhe fletarrestimin për deputetin Fatmir Limaj. /Telegrafi/