Një muaj paraburgim për 13 shoferët serbë

Gjykatësi i gjykatës në Vushtrri ka caktuar 30 ditë paraburgim për 13 shoferët serbë të kompanisë Euro-Kop nga Rashka.

Shoferët serbë u arrestuan dje derisa kishin hyrë me kamionë ilegalë nga Serbia në veri të Kosovës, dhe bartnin xehe të Trepçës, raporton Koha.

Ata ishin ngarkuar me xehe në pjesën veriore të vendit dhe, pas ndalesës në terminalin doganor të Kosovës, në jug të Mitrovicës, ata janë arrestuar për kalim ilegal të kufirit.

Sipas informatave të tyre, ata kanë transportuar xehen e Trepçës për në portin e Tivarit, në Mal të Zi, dhe nga andej pastaj xehja me anije është synuar të eksportohen në botë. /Telegrafi/