Drashkoviq: Në Kosovë nuk ka shtet serb

Kryetari i Lëvizjes së Përtëritjes Serbe, Vuk Drashkoviq, ka thënë se Kosova nuk është më pjesë e Serbisë dhe se këtu nuk ka as sovranitet e as integritet të shtetit serb.

“Që nga Marrëveshja e Kumanovës dhe humbja e luftës kundër NATO-s, po vërtetohet se mbreti nuk është lakuriq, ndërsa ruajtja e integritetit është gënjeshtër sepse nuk mund të ruhet ajo që nuk e ke”, ka thënë Drashkoviq në një takim të partisë së tij në Sombor, transmeton “Press”.

“Mendoj se patriotizëm është të kërkosh falje me zemër dhe të veprosh me arsye, ndërsa jam i vetëdijshëm se shumica në Serbia pajtohen me mua. Kosova ka humbur si territor... Duhet ta drejtojmë menjëherë politikën në vallen ‘BE menjëherë’... Duke u futur në Evropë, ne nuk do të shkojmë në parajsë, por sigurisht se do të dalim nga ferri”, ka thënë ai.