BIK-u nuk i duron organizimet sindikale

Osman Musliu thotë se do t’ia zërë derën Naim Tërnavës, javën që vjen, për ta nxjerrë nga Bashkësia Islame e Kosovës.

Imami i Xhamisë së Drenasit, që këtë javë u shkarkua nga detyra e kryetarit të Këshillit të Bashkësisë Islame të Drenasit, thotë se nuk e pranon vendimin Naim Tërnavës dhe, siç shton ai, të klanit të tij për ta shkarkuar nga detyra. Si sindikalist premton se do t’i përgjigjet në mënyrë sindikale, duke e shkarkuar nga detyra myftiun Tërnava, të cilin e akuzon se po e prish komunitetin mysliman në Kosovë.

“Sigurisht se do t’ia zëmë derën, d.m.th. do të veprojmë në aspektin e së drejtës sonë”, ka thënë të premten Osman Musliu.

Imami i Drenasit, i cili bashkë me atë të Podujevës, Idriz Bilalli, themeluan sindikatë brenda Bashkësisë Islame, siç patën thënë ata, për t’i mbrojtur të drejtat e imamëve, janë shkarkuar nga detyra që kanë mbajtur si kryetar të Këshillit të Bashkësisë Islame në Drenas, përkatësisht në Podujevë.

Sipas Kryesisë së Shoqatës Sindikale të Pavarur të BIK-ut, myftiu Naim Tërnava, – siç kanë theksuar, me “klanin e tij të brendshëm dhe nën ndikimin e individëve dhe shoqatave të jashtme”, ka marrë vendim për shkarkimin nga pozita e kryetarit të Këshillit të BI-së të Podujevës, Idriz Bilallin dhe kryetarit të Këshillit të BI-së në Drenas, Osman Musliu.

Më gjerësisht lexoni sot në “Koha Ditore”