EULEX: Do t’i hetojmë ngjarjet e djeshme

Zëdhënësi i EULEX-it, Nicholas Hawton, ka thënë se prokurorët e misionit të BE-së do të hetojnë ngjarjet e djeshme në pikëkalimin e Jarinjes.
“Prokurorët e EULEX-it do të hetojnë rrethanat e zhvillimeve në Jarinje. Nga kjo do të varet se cili do të jetë qarku i hetimit, në aspektin se kush do të merret në pyetje”, ka thënë ai.

Kur është fjala për aksionin e KFOR-it për largimin e barrikadave, Hawton ka thënë se ky ka qenë operacion i përbashkët me EULEX-in.

“Më herët gjatë ditës EULEX dhe KFOR bashkërisht kanë kryer aksionin e vënies së kontrollit në kalimet ilegale tej Jarinjes. Qëllimi i operacionit ishte instalimi i sundimit të drejtësisë, për çka është bërë kjo. Ka pasuar dhunë pas këtij operacioni. Dhuna nuk është mënyrë e zgjidhjes së këtyre gjërave dhe nuk i shkon për shtati askujt”, ka thënë Hawton për “Tanjug”, duke mos dashur të jap detaje tjera për incidentet e djeshme. /Telegrafi/