Kthen tiketën e lotarisë dhe mbetet pa 30 milionë dollarë

Otava, 5 qershor - Një lojtare e paemëruar e lotarisë kanadeze ka refuzuar të blejë një tiketë më të shtrenjtë dhe ka mbetur pa preminë prej 30 milionë dollarëve, publikoi rrjeti më i madh privat kombëtar televiziv i Kanadasë CTV.

Pjesëmarrësja në lojën loto max i kishte thënë shitëses së një dyqani që dëshiron të blejë tiketën prej 12 dollarëve, por shitësja gabimisht nga makina, e cila zgjedh vet kombinimin e numrave, kishte nxjerrë tiketën me çmimin prej 27 dollarëve.

Pjesëmarrësja nuk dëshiroi të paguajë tiketën më të shtrenjtë dhe shitësja, duke respektuar rregullat e lotarisë, tiketën e shpalli menjëherë të pavlefshme.

Kështu, numrat e anuluar ishin të disponueshëm për lojtarët tjerë. Pikërisht këta numra ishin kombinimi fitues prej 30 milionë dollarë, ndërsa shitëses së dyqanit i takuan
300 000 dollarë, në bazë të rregullit që vendi ku shitet tiketa fituese i takon një për qind e premisë.

Askush, megjithatë, nuk e bleu tiketën me numrat e njëjtë dhe premia mbeti e papaguar.

Fituesja potenciale ka mbetur e panjohur, ndërsa shitësja tha se do të ishte mirë të fitonte 300 000 dollarë, por ndjen më shumë keqardhje për fituesen, e cila, për shkak të mospagesës së 15 dollarëve shtesë, mbeti pa 30 milionë dollarë.