Arra dhe gështenja, burim mikroelementesh

Arra dhe gështenja janë produkte ushqyese, burim mikroelementesh, që janë të dobishme për shëndetin, pasi mund të parandalojnë shumë sëmundje…

Kërkimet kanë vërtetuar se ajo zvogëlon kolesterinën e përgjithshme dhe të “keqe”, duke mbrojtur organizmin nga sëmundjet kardiake dhe nga infarkti.

Ajo është një burim i shkëlqyer yndyre dhe i vetmi fryt i thatë që përmban përqindje të madhe të acideve yndyrore omega-3 (40 g janë të mjaftueshme që të mbulojnë nevojat e përditshme).

Por, përveçse është burim yndyrash të dobishme, ajo është edhe burim proteinash dhe indesh bimore. Në fund, arra është e pasur me lëndë antioksiduese që të mbrojnë nga kanceri dhe sëmundjet kronike.

Vlerat ushqyese në 40 gramë:
Kalori: 278,
Sheqerna: 5,8 g,
Proteina: 6 g,
Yndyra: 27 g (87% e kalorive të përgjithshme)

Gështenja ka pak kalori dhe nuk përmban kolesterinë. Edhe pse është një fryt i thatë, ajo ka shumë pak yndyrë dhe pjesa e brendshme e saj është e butë dhe niseshtore, me përqindjen më të lartë të kalorive që vijnë nga sheqernat.

Ashtu si edhe frutat e tjera, është burim mikroelementesh, që janë të dobishme për shëndetin, pasi mund të parandalojnë shumë sëmundje. Gjithashtu, është e pasur me vitaminë E, vitaminë B3, kalium dhe inde bimore. Sheqernat dhe indet bimore thithen ngadalë duke i dhëne kështu energji organizmit.

Gështenjat konsumohen kryesisht të pjekura dhe kanë një shije të lehtë të ëmbël.

Vlerat ushqyese në 40 gramë:
Kalori: 104,
Sheqerna: 22g,
Proteina: 1,35 g,
Yndyra: 0,9 g, (7% e kalorive të përgjithshme)./telegrafi/