Google integron Adobe Flash në Chrome

Të enjten në mbrëmje, Google ka lansuar versionin e ri të shfletuesit të saj Chrome, në të cilin ka mundësuar edhe shtesën e Adobe Flash e cila është e integruar automatikisht, pas instalimit.
Ky version i freskuar fillimisht ka qenë i mundur vetëm për testimet beta, ndërsa tani me instalimin e Google Chrome ju nuk keni mundësi tjetër, përveç se ta përdorni këtë funksion të ri në shfletues, përmes shtesës së re e cila është e integruar në sistemin e ri operativ, i cili është freskuar së fundmi.

Dizajni duhet të përmirësojë edhe krimbat e mëparshëm duke sjell edhe stabilitet, gjatë punës në shfletuesin e Google, ndërsa i njëjti mundëson edhe parandalimin e mbylljes së një ‘tabi’ të caktuar, ose të shfletuesit në tërësi.

Integrimi i Adobe Flash në Google Chrome është si rezultat i një hapi më të madh të cilin kompania Google është duke ndërmarrë, duke synuar që të shndërrohet në sistemin e parë operativ i cili ofron versionin e fundit të Flash 10.1 për telefona mobil, i cili punon në çdo telefon Android i cili bazohet në serinë e fundit të sistemit operativ 2.2.