Google Chrome s’ka të ndalur

Shfletuesi Chrome i kompanisë Google po vazhdon të marrë pjesë të rëndësishme të tregut të shfletuesve online, pa asnjë problem. Chrome është ngjitur për 0.3 për qind më lart, thuhet në raportin e Net Applications e cila përcjell përdorimin e shfletuesve të ndryshëm të internetit, në rrjetet e uebfaqeve.
Statistikat tregojnë kryesisht aktivitetin i cili ndodhë në këtë treg, dhe jo numrin e njerëzve të cilët e përdorin një shfletues të caktuar, duke pasur parasysh që përdoruesit e internetit vizitojnë më shumë se 160 milionë faqe përmes Net Applications.

Pasi që përdorimi i internetit po rritet gjithnjë e më shumë, numri absolut i njerëzve të cilët e përdorin një shfletues specifik mund të rritet edhe më tej, dhe në këtë mes Chrome është duke shfrytëzuar të gjithë potencialin e tregut.

Përveç tjerash, është vërejtur edhe rënia e përdorimit për Internet Explorer 6, në 9.8 për qind në nivel botëror.