Google lanson shërbimin HotPot

Google ka njoftuar për aplikacionin e ri për telefonat e mençur në Android, i cili quhet Hot Pot. Aplikacioni i ri i lejon përdoruesit të rangojnë vendet e mira, duke përdorur hartat dhe GPS në Android.
Ky aplikacion do t’i lejojë njerëzit që të përdorin rekomandimet nga miqtë për dyqanet lokale, restorantet, teatrot dhe më shumë se kaq.

Për më tepër, thuhet se vlerësimet do të jenë relevante dhe të besueshme, ndërsa ju do të mund të mbështeteni në ato.

Hotpot gjithashtu përdor data-bazën e Google Places me mbi 50 milion institucione në të gjithë botën, në të cilën gjenden vlerësimet dhe kritikat nga përdoruesit në të gjithë botën.