Rritet numri i infarkteve në Maqedoni

Rritet numri i infarkteve në Maqedoni


Gjatë këtij viti mbi 40 për qind është rritur numri i
infarkteve në Maqedoni në krahasim me vitin e kaluar. Kjo e dhënë u
publikua në Kongresin e 4-të Ndërkombëtarë të Kardiologëve që po mbahet
në Ohër.

Sipas të dhënave të prezantuara, shkaqet që po
shkaktojnë infarktet janë duhani dhe stresi, ndërsa shqetësuese është se
kohëve të fundit kjo sëmundje po godet edhe moshat më të reja. Në
Maqedoni mbi 60 për qind nga sëmundjet e përgjithshme janë sëmundjet
kardiovaskulare, që shkaktojnë raste të vdekjes.
Shoqata e Kardiologëve ka nënvizuar se për t`u ulur vdekshmëria dhe
pacientët me kohë të marrin trajtime dhe ndihmë mjekësore, duhet që të
realizohet një kontroll i detajuar lidhur me cilësinë e punës dhe
kushtet që ofrojnë qendrat kardiologjie në vend.
Në Kongresin e Ohrit po marrin pjesë mbi 1.000 mjekë nga 20 vende, ku
u prezantuan metodat më të reja rreth shërimit të sëmundjeve
kardiovaskulare