Rasmussen: Kosova po shkon në kah të mirë

Ministrat e mbrojtjes të vendeve anëtare të NATO-s do të bisedojnë të enjten dhe të premten në Bruksel për zvogëlimin e trupave në Kosovë.
Sekretari i përgjithshëm i NATO-s, Anders Fogh Rasmussen tha se ministrat do të bisedojnë për “kalimin e KFOR-it në një forcë më të vogël zmbrapsëse” në Kosovë, me ç’rast tashmë është bërë “hapi i parë i suksesshëm”.

Lidhur me këtë dhe “hapat e mëtejmë në operacionin tonë në Kosovë”, ministrat e mbrojtjes të NATO-s do të shkëmbejnë mendime me kolegët e tyre nga vendet që kanë trupa në kudër të KFOR-it, tha Rasmusen.

Ai tha se “Kosova po shkon në kah të mirë përkundër ngjarjeve të fundit”, duke theksuar se “qëllimi duhet të jetë përfshirja e të gjitha vendeve të Ballkanit Perëndimor në strukturat euro-atlantike”. /REL/