Shkencëtarët krijojnë softuer për zbulimin e pedofilëve në internet

Hulumtuesit në Universitetin e Lancaster në Britaninë e Madhe kanë zhvilluar softuerin "që mund të zbulojë pedofilët e mundshëm në internet”. Softueri analizon korrespondencën përmes rrjetit dhe i ndihmon fëmijët për të kuptuar bisedat e rrejshme me njerëz të moshuar, të cilët paraqiten si moshatarë të tyre.
Programi analizon në mënyrë shumë efektive strukturën e fjalëve, dhe në bazë të këtyre parametrave përcakton gjininë dhe moshën e personit me të cilin fëmija komunikon online.


Shkencëtarët kanë kryer një hulumtim me 350 fëmijë, i cili gjeti se vetëm 18 për qind e fëmijëve arrijnë të kuptojnë se po bisedojnë me njerëz të moshuar. Madje, kuptohet se katër nga pesë fëmijë, mendojnë se ata po bisedojnë më një bashkë-moshatar të tyre.

"Pedofilët në internet, shpesh paraqiten si fëmijë, ndërsa sondazhi i kryer tregon se shumica e fëmijëve nuk arrijnë të kuptojnë kur komunikojnë me njerëz të moshuar, të cilët prezantohen si bashkëmoshatarët e tyre," thekson Aves Rashid, një profesor në Universitetin e Lancaster.


"Softueri ynë analizon fjalët dhe strukturën e fjalive, dhe çdo gjë tjetër që mund të zbulojë mashtrimet," shpjegoi profesori Rashid.