Vettel: Nuk ka favorit te Red Bull

Sebastian Vettel ka këmbëngulur se në skuderinë e Red Bull nuk ka favorizime ndërmjet tij dhe kolegut Mark Webber, pas përplasjes skandaloze në garën për Çmimin e Madh të Turqisë.
Bosët e Red Bull kanë fajësuar Mark Webberin për përplasjen mes kolegëve, ndërsa shumë ekspertë të Formulës 1 mendojnë se Vettel ishte ai që gaboi.

“Çfarë kemi biseduar nëpër kohë ka qenë që asnjë nga ngasësit nuk është i favorizuar në asnjë mënyrë. Ne dalim në pistë dhe tentojmë të tregojmë se kush është më i miri, ashtu siç duhej të ishte”, theksoi Vettel për BBC.