Ribery: Bayerni do të fitoj sikur Vettel në F-1

Mynih, 19 nëntor - Reprezentuesi francez i Bayernit të Mynihut, Franck Ribery (27) beson se skuadra e tij mund ta mbrojë titullin e kampionit të fituar sezonin e kaluar megjithë lojërat dhe rezultatet e dobëta gjatë këtij sezoni.

Pas 12 ndeshjeve të luajtura, Bayerni qëndron 12 pikë prapa Borussia Dortmundit, por Ribery beson se Bayerni do të kthehet dhe do të fitojë ngjashëm sikur kampioni i ri i Formula 1, Sebastian Vettel, i cili në tri xhirot e fundit arriti të tejkalojë Fernando Alonson dhe Mark Weberin.

“Vettel tani për ne është shëmbëlltyrë. Më ka impresionuar, pasi kompensoi aq shumë pikë. Kjo tregon se edhe ne do t’ia arrijmë qëllimit, edhe pse jemi 12 pikë pas liderit aktual”, tha Ribery për Abendzeitung