Prodhuesit paralajmërojnë kompjuterë të ri netbook

Paralajmërimi i kompanisë Google se në vjeshtë do të duhej të paraqitej sistemi operativ i saj Chrome ka shtyrë edhe prodhuesit e kompjuterëve netbook të fillojnë me paralajmërimet e netbookëve të tyre të cilët do të krijoheshin veçanërisht për këtë sistem operativ.
Kështu, kompania Acer ka paralajmëruar planet e veta për serinë e kompjuterëve netbook të dedikuar ekskluzivisht për Chrome OS. Edhe kompanitë tjera përfshirë Asus, HP e Lenovo kanë filluar të punojnë në zhvillimin e harduerit për Chrome.

Google llogarit që përdoruesit do t’i njohin përparësitë e sistemit të saj operativ Chrome OS në krahasim me atë Windows 7 në kompjuterët netbook, para së gjithash për shkak të kërkesave minimale harduerike, por edhe faktit se bëhet fjalë për një sistem me burim të hapur (open source).