Dhjetëra të vdekur në Kirgistan

Autoritetet në Kirgistan kanë vendosur gjendjen e jashtëzakonshme. Ministria e Shëndetësisë ka thënë se deri tani ka 14 të vrarë dhe rreth 140 të plagosur.
Në qytetin e Oshit, qyteti i dytë në vend, është vendosur ora policore, po ashtu edhe në qytetet përreth.

Sipas të dhënave, lufta u bë mes disa bandave rivale, të cilat u përleshën me armë, dhe më pas qindra të rinj u nisën drejt qendrës se qytetit duke plaçkitur dyqanet dhe thyer dritaret e tyre.

Dëshmitarë okularë thonë se betejat me armë vazhduan gjatë gjithë natës deri në orët e para të mëngjesit dhe se u është vënë zjarri të paktën dhjetë makinave.

Para agimit kryebashkiaku i Oshit bëri një apel televiziv për qetësimin e gjakrave. Automjetet e rendit po patrullojnë qytetin.

Qeveria e përkohshme e Kirgistanit po has në vështirësi për ruajtjen e rendit, që kur presidenti i Kirgistanit Kurmanbek Bakiyev u rrëzua me forcë nga pushteti në muajin prill. /bbc/