Kosovë-Turqi, bashkëpunim në fushën e drejtësisë

Kosovë-Turqi, bashkëpunim në fushën e drejtësisë

Thellimi i bashkëpunimit ndërmjet Kosovës dhe Turqisë në fushën e drejtësisë ishte temë e bisedimin në takimin mes ministrit të Drejtësisë, Haki Demolli dhe delegacionit nga Akademia Gjyqësore e Turqisë, kryesuar nga zëvendëspresidenti i kësaj akademie, Sani Sezai Ural.
Demolli tha se është me rendësi të veçantë për Ministrinë e Drejtësisë ndihma që Turqia është duke e dhënë në sistemin e drejtësisë.

Edhe zëvendëspresidenti i Akademisë Gjyqësore të Turqisë, Sani Sezai Ural, pohoi se vizita e këtij delegacioni në Kosovë ka për qëllim arritjen e disa marrëveshjeve në segmentin e sistemit të drejtësisë, të cilat do të shërbejnë në të mirë të dy vendeve.
Delegacioni nga Akademia Gjyqësore e Turqisë, zhvilloi takim të veçantë edhe me udhëheqësit e Shërbimit Sprovues të Kosovës, të cilët e njoftuan për punët dhe sfidat e këtij shërbimi.