Shtatë burra e dërguan pitonin gjigant te veterineri

Shtatë burra e dërguan pitonin gjigant te veterineri


Për ta dërguar një piton gjigant tek veterineri, nga
kopshti zoologjik në Chester, u nevojit forca e shtatë burrave.


Pitoni
i gjatë 6.7 metra paraqiste një problem serioz për një vizitë tek
veterineri, përveç kësaj burrat duhet të ishin të kujdesshëm për të mos
ia prishur qejfin kafshës derisa po e transportonin. Mu për këtë arsye
ata ia lidhën sytë.
Gazeta britanike, Daily Mail, publikoi fotot e gjarprit gjigant, i
cili kryesisht ushqehet me kurrizorë, gjitarë të vegjël dhe zogj. Por
disa pitonë ushqehen me derra, primate më të vogla, por edhe njerëz.
Pitonët kanë dhëmbë të fortë e të mprehtë të cilët i shfrytëzojnë për
ta kapur dhe mbajtur prenë para se ta mbështjellin dhe t’ia nxjerrin
shpirtin me trupin e madh.