Pacolli e sheh presidentin Sejdiu shkaktar të mosnjohjes nga El-Salvadori

Prishtinë, 11 qershor – Presidenti i Aleancës Kosova e Re, Behgjet Pacolli ka identifikuar një arsye pse shteti i Amerikës Qendrore, El-Salvadori nuk e ka njohur Kosovën, ani se një gjë e tillë i ishte premtuar vetë atij nga ky shtet para një viti. Shkaktar që El-Salvadori nuk e njohu mëvetësinë kosovare, sipas liderit të AKR-së, është një veprim i presidentit të Kosovës Fatmir Sejdiu. Sipas liderit të AKR-së, atij i ishte thënë nga partia që e kishte marrë pushtetin vitin e kaluar në El Salvador se njohja e Kosovës do të ndodhë, mirëpo ka ndodhur interferimi në proces i presidentit Sejdiu, gjë që ka rezultuar me situatën çfarë është: pa njohje nga ky shtet.

Zyrtarë të AKR-së në qershorin e vitit 2009 patën thënë se kreu i tyre “po qëndron për vizitë në El-Salvador dhe nga atje ka çuar fjalë se ky shtet e ka njohur Kosovën dhe se deklarimin zyrtar të njohjes do ta bëjë më 2 qershor”. Por tashmë ka kaluar një vit e dhjetë ditë, kurse Kosovës i mungon njohja nga El-Salvadori.

I ulur në njërin prej lokaleve të kryeqytetit, bashkë me nënpresidentin e partisë së tij, Ibrahim Makolli, presidenti i AKR-së, ka prezantuar të premten kronologjinë e kontakteve të tij në El Salvador, ku me aluzion ka fajësuar të parin e Kosovës pse shteti ende nuk është njohur nga vendi përtej Atlantikut.

Çka i ka thënë Sejdiu Pacollit, çka thonë në Presidencën e Kosovës për këtë, pse lideri i AKR-së e ndërpreu lobimin në Salvador dhe a do ta vazhdojë e kur ai këtë, e gjeni të plotë në numrin sotëm të gazetës Koha Ditore