Balotelli sheh ëndrra

Manchester, 31 mars – Lojtari i Manchester Cityt, Mario Balotelli ka thënë për Goal.com se ai dëshiron ta fitojë sivjet titullin e kampionit në Premier League, si dhe gjithë titujt e tjerë sezonin e ardhshëm. Ai ka ripërsëritur qëndrimin e tij se është më i mirë se Messi!
I pyetur nëse mendon ende se është më i mirë se të gjithë pos Messit, talenti italian u përgjigj.
“Unë tashmë e kam sqaruar përgjigjen time: gazetari më pyeti nëse jam më i mirë se të gjithë të tjerët. Unë i kam thënë atij se jam më i miri ndër lojtarët e rinj dhe vetëm Messi është mbi mua. Sidoqoftë, tani them se mund të bëhem dhe jam më i mirë se Lionel Messi”, përfundoi Balotelli, i cili është vërtet i talentuar, por që nuk ka dhënë aq shumë as në ekipin e Interit, prej nga u shit në Manchester City.