Pakistan, 10 të vdekur nga një sulm me avion pa pilot

Pakistan, 10 të vdekur nga një sulm me avion pa pilot

Të paktën dhjetë militantë janë vrarë gjatë një sulmi me avion amerikan të telekomanduar në zonat fisnore në veriperëndim të Pakistanit.
Burime zyrtare të sigurisë lokale njoftuan se avioni goditi me dy raketa një prej vendstrehimeve të militantëve.

Sulmi me raketa ndodhi në qytezën Inzarkas, rreth 50 kilometra në perëndim të Miranshah, qyteti kryesor i distriktit fisnor të Waziristanit Verior, ndër rajonet kryesore në zotërim të talebanëve dhe aleatëve të tyre të al-Qaedas. /Start/