Sony paraqet modelet e reja Alpha për fillestarë

Kompania Sony ka paraqitur modelet e reja të fotoaparateve të saj SLR për fillestarë. Alpha A290 e Alpha A390 do të zëvendësojnë modelet A230 dhe A380.
Me dy Alphat e paraqitura Sony vë në shënjestër fillestarët në botën e fotoaparateve SLR. Krahasuar me modelet paraprake, A230 e A380, të cilët do të zëvendësohen nga fotoaparatet e reja SLR kanë shtëpiza diç më të ndryshuara, posaçërisht në hapësirën e dorezës dhe konfigurimin e tasteve kontrolluese në dorezë. Se sa do të ndikojë kjo në ergonomi dhe lehtësinë e punës me ta, na mbetet të shihet qysh muajin e ardhshëm kur këto dy fotoaparate dalin në shitje.

Çmimi i rekomanduar i shitjes për tregun evropian është 450 euro për A290 dhe 500 euro për atë A390. Të kuptohemi, bëhet fjalë për çmimin në të cilin nuk janë të kalkuara tatimet shtesë

Të dy fotoaparatet kanë çip CCD të stabilizuar në mënyrë elektronike dhe rezolucion prej 14.2 megapiksela. Fotoaparatet ndajnë edhe karakteristikat tjera si shpejtësia e bërjes së dy fotografive brenda një sekonde, daljen HDMI, sistem për largimin e pluhurit nga sensori i ndriçimit, fokus me nëntë piksela dhe baterinë e njëjtë litium-jon. Dy dallimet në mes të këtyre modeleve të fotoaparateve janë mbështetja për Live View tek ai më i fuqishmi A390 dhe ekrani LCD i prapavijës i cili mund të lëvizet tek A390, derisa tek modeli A290 ai është i ngjitur për trupin e fotoaparatit.

www.sony.com