Televizorët e Samsung bëhen me Facebook dhe Google Maps

Prodhuesi i njohur i televizorëve Samsung, thotë se ka shtuar edhe mundësinë e shikimit të Facebook dhe Google Maps në televizorët e saj HDTV.
Të gjithë modelet e saj të vitit 2010, të cilët posedojnë Blu-ray player, dhe sistemin Blu-ray Home Theatre, së bashku me televizorët Samsung të cilët janë të madhësisë prej 40 inç dhe më shumë, do të kenë edhe mundësinë e shkarkimit dhe të përdorimit të këtyre aplikacioneve, të cilat janë paksa të pazakonta për televizorë.

Asnjë informacion tjetër nuk është bërë i ditur lidhur me funksionalitetin e këtyre aplikacioneve, mirëpo mund të ndodh që njerëzit para se të planifikojnë ndonjë udhëtim, të mund të përdorin Google Maps në dhomën e tyre të ndejës, dhe të bashkëbisedojnë me miqtë e tyre në Facebook, sikur që bëjnë përmes kompjuterit.

Dyqani virtual i aplikacioneve të Samsung ka shkuar deri në 30, me shërbimet si Blockbuster, Netflix, Pandora, Twitter, USA Today dhe Vudu, në mes tjerash. / foto:wpr /