Botërori shkakton rënien e Twitterit

Gjatë javës së kaluar, posaçërisht me ofrimin e fundjavës, Twitter shpesh u ka ofruar përdoruesve të vet balenën famëkeqe në vend të porosive.
Kur shërbimi për mikro-blogje dhe rrjeti për shoqërim online Twitter nuk është në dispozicion të përdoruesve shfaqet e ashtuquajtura “fail whale”, apo siç e kemi quajtur ne balena famëkeqe. Sipas vlerësimeve të ekipit i cili qëndron pas këtij shërbimi, arsyeja më e shpeshtë e mosfunksionimit të tij qëndron në numrin e shtuar të porosive tekstuale që lidhen me Kampionatin Botëror të Futbollit.



Sasia e madhe e porosive të publikuara ka sjellë deri tek ngarkimi i serverëve që vënë në funksion rrjetin për shoqërim, e sipas Twitter kjo gjë është rregulluar me shtimin e kapaciteteve.

Për të lehtësuar deri diku rrjetin, ekipi i Twitter të gjitha porositë e statusit që lidhen me Botërorin në vijim është duke e drejtuar në kanale të veçanta, si dhe ka krijuar një faqe të caktuar. Nëse shkoni në adresën twitter.com/worldcup, mund t’i përcillni në një vend të gjitha ato që fliten në këtë kampionatin prestigjioz të futbollit.

twitter.com/worldcup