Microsoft lanson Office 2010, në gjithë botën

Kanë kaluar disa vite që Microsoft ka qenë duke e testuar versionin e paketës së saj të njohur, Microsoft Office 2010, ndërsa tani e njëjta është lëshuar në shitje, në tërë botën.
Sot Microsoft Office 2010 është lëshuar në shitje në tri versionet e saj, Home and Student, Home and Business, dhe Professional.

Në dyqanet e shitjes me pakicë, versionet e Office 2010 do të kushtojnë 179.99, 279.99 dhe 499.99 dollarë, mirëpo nëse vendosni që të shkarkoni softuerin ose ta blini atë me opsionin e ri të shitjes, Key Card, atëherë çmimi bie në 119.99, 199.99 dhe 349.99 respektivisht.

Versioni më i ri i paketës softuerike të Microsoft ofron disa shtesa të rëndësishme, së bashku me azhurnimin e versionit të Office 2007, duke përfshirë këtu edhe Outlook Social Connector dhe disa vegla të reja multimediale për editim.

Shtesa më e madhe në Office 2010 është Office Web Apps, një version i thjeshtë por shumë funksional, i cili lejon bashkëpunim direkt për dokumente, ruajtje online të të dhënave, integrim me Hotmail dhe produkte tjera të Microsoft.

Lansimi i Office 2010 vjen një muaj pas azhurnimit të Office 2010, dhe dy muaj pas prodhimit fillestar.