Sony sjell versionin e freskuar të VAIO P

Modeli më i ri Sony VAIO P është ri-dizajnuar tërësisht, dhe prej sot ka filluar shitjen me para-porosi.
Kjo po ndodh saktësisht një javë para kohës së premtuar nga kompania. Katër nga pesë ngjyrat e reja do të fillojnë me dërgesa që nga dita e nesërme, derisa modeli me ngjyrë rozë, nuk do të paraqitet në treg deri më 25 qershor.

Modeli i netbook’ut me 8 inç do të kushtojë 900 dollarë, ndërsa i njëjti posedon karakteristika si 1.6GHz Atom CPU njësoj sikur versioni origjinal VAIO P, mirëpo që në modelin e ri është edhe një akselerometër i cili u mundëson përdoruesve që ta mbajnë atë si një libër, ose më saktë, sikur një libër elektronik.

Ndërfaqja e kompjuterit të vogël përmban një rezolucion unik 1600x768, ndërsa ky model posedon edhe 2GB RAM, si dhe 128GB hapësirë, e cila është dy herë më e madhe se versioni i kaluar. Mirëpo, kjo nuk është e tëra, sepse në këtë çmim përfshihen edhe Bluetooth, lidhja Wi-FI, kamera dhe moduli 3G i Verizon.