Samsung Galaxy S edhe në versionin Giorgio Armani

Nëse nuk ju pëlqen ta keni versionin standard të telefonit të mençur Samsung Galaxy S, atëherë shtëpia e modës Giorgio Armani ka përgatitur për ju versionin e brenduar të këtij telefoni, i cili duket krejt njëjtë sikurse Samsung Captivate i cili shitet në AT&T.
Mirëpo, duket se Samsung Galaxy S i brenduar me markën e Armanit do të ju kushtojë pak më shumë se modeli standard, ose përafërsisht rreth 700 euro.

Ndërsa, pyetja që mbetet është: çka përfitoni ju më shumë, kur paguani më shumë për këtë telefon? Asgjë më shumë se sa vetëm logon e dizajnerit të famshëm të modës, dhe një paketim pak më luksoz se sa ai që është bërë për masën e gjerë.

Samsung Galaxy S në Armani, nuk do të përmbajë speficika tjera të avancuara, përveç atyre që janë vendosur fillimisht në këtë telefon të mençur mobil.

Telefoni i ri i brenduar me logon e Giorgio Armanit tashmë është në dispozicion në tregun evropian për një çmim prej 700 eurosh, ose 965 dollarësh amerikan.