Presidenti Sejdiu uroi David Cameron

Presidenti i Republikës së Kosovës, Fatmir Sejdiu i ka dërguar një telegram urimi David Cameron, me rastin e zgjedhjes së tij kryeministër i Mbretërisë së Bashkuar të Britanisë së Madhe dhe Irlandës Veriore.
“Kam kënaqësinë e veçantë që t’ju përgëzoj – në emër të popullit dhe institucioneve të Republikës së Kosovës – për emërimin tuaj si kryesues i Qeverisë së Madhërisë Suaj. Rezultatet e zgjedhjeve të 16 majit ofrojnë një rast historik për rinimin e Mbretërisë së Bashkuar në një periudhë kritike për Evropën dhe, në të vërtetë, për mbarë botën”, thuhet fillimisht në telegramin e urimit të presidentit Sejdiu.

Presidenti Sejdiu po ashtu ka shprehur mirënjohje për rolin që e ka luajtur Mbretërua e Bashkuar në kohë lufte dhe paqeje gjatë historisë moderne të Kosovës. “Kemi pasur bashkëpunimin e pakursyer të qeverisë suaj dhe, ç’është e vërteta, të mbarë spektrit politik të shoqërisë britanike, meqë Kosova ka fituar lirinë dhe pavarësinë e saj si komb, e cila është njohur nga 68 shtete”, theksohet më tej në urim.

“Republika e Kosovës mëton t’i avancojë marrëdhëniet e përgjithshme dhe miqësore me Mbretërinë e Bashkuar dhe besoj se ju, z. Cameron, do të jeni mik dhe aleat në ecjen e Kosovës drejt integrimeve euroatlantike”.

“Më lejoni ta shfrytëzoj këtë rast që t’ju ftoj ta vizitoni Republikën e Kosovës, shtetin e ri që ka përqafuar botën e re të kombeve të lira, në rastin e parë që do ta konsideroni të volitshëm”, theksohet në urimin e presidentit Sejdiu drejtuar Cameronit.