Obama vendos për gjeneralin amerikan në Afganistan

Obama vendos për gjeneralin amerikan në Afganistan

Gjenerali amerikan, Stanley McChrystal do të kuptojë të mërkurën nëse do të vazhdojë të mbajë postin e komandantit të ushtrisë amerikane në Afganistan.
Ai është thirrur në Shtëpinë e Bardhë nga presidenti Obama për të shpjeguar komentet ofenduese për anëtarët e administratës së Shteteve të Bashkuara, të cilat ai i ka bërë në artikullin e një reviste që botohet këtë javë.

Obama e ka kritikuar gjeneralin për gjykimet negative që ka bërë ai, por ka thënë se do të flas personalisht me të para se të marrë vendim për të ardhmën e tij.

Gjenerali McChrystal ka kërkuar falje por posti i tij mbetet i rrezikuar. Ai nuk ka kundërshtuar urdhrat, por është treguar i pakujdesshëm në deklarata publike, gjë që vlerësohet e mjaftueshme për shkarkimin e tij.

Ajo që mund ta shpëtojë atë është vetëm gjykimi i presidentit se është vështirë të merret një vendim i tillë në një moment kritik për Afganistanin. /BBC/