SanDisk SD kartelat ruajnë të dhënat për 100 vjet

SanDisk ka ka filluar shitjen e kartelave SD të cilat mund të ruajnë fotografi dhe të dhëna për së paku 100 vjet.
Këto kartela janë duke u përdorë nga policia për të arkivuar foto-dëshmi të ndryshme dhe SanDisk është duke bërë plan që të njëjtën gjë ta praktikoj edhe në industritë tjera. Kartelat SD Worm prej 1 GB, të cilat mund të shkruhen një herë e lexohen shumë herë, tani kanë filluar të shiten tek policia e Japonisë.

Sipas SanDisk, kartelat u mundësojnë zyrtarëve ligjor që të krijojnë të dhëna të qëndrueshme, fotografi të përhershme të cilat shërbejnë si burim dhe dëshmi gjatë hetimeve të ndryshme dhe gjyqeve të mundshme.

Kartelat punojnë në mënyrë të njëjtë si kartelat tjera, duke i futur ato në pajisje digjitale dhe më vonë duke i transferuar të dhënat në kompjuter. Fotografitë e bëra nuk mund të ndryshohen. Në të njëjtën kohë, ato mund të përdoren edhe për të ruajtur intervista të dëshmitarëve.

Kompania deklaron se të dhënat mund të ruhen madje për 100 vjen dhe kjo deklaratë bazohet në testimet e bëra në temperaturë dhome të mbrojtur nga lagështia.