Të dhënat për sëmundjet infektive përmes internetit

Instituti Kombëtar i Shëndetit Publik të martën ka prezantuar
sistemin e ri mbikëqyrës të kontrollit të sëmundjeve infektive, që
parasheh mbledhjen e të dhënave përmes internetit për sëmundjet
ngjitëse, prej të gjitha institucionet shëndetësore në vend.

Ministri
i Shëndetësisë, Ferid Agani tha se ky sistem mundëson ndërmarrjen e
masave me kohë, përjashton mënyrën e raportimit për sëmundje ngjitëse
përmes telefonit apo edhe zarfeve që është përdorur deri tani.
Grumbullimi i të dhënave pritet të fillojë të bëhet nga fundi i
qershorit apo fillimi i korrikut, ndërkaq projekti që parasheh
instalimin e internetit në 6 institute rajonale të shëndetit publik dhe
trajnimin e stafit ka kushtuar 10 mijë euro dhe është financuar nga
Organizata Botërore e Shëndetësisë. /Telegrafi/