Shpëtoi qenin, plagosi 25 udhëtarë

Ankara, 24 qershor – Njëzet e pesë të plagosur është bilanci i një aksidenti të ndodhur në Turqi, pasi shoferi i një autobusi manovroi për të mos shtypur një qen.

Një autobus me 25 persona që ishte nisur nga Stambolli për në Giresun pësoi aksident pasi shoferi humbi kontrollin e automjetit, në manovrim e sipër për të mos shtypur një qen që i doli përpara.

Shoferi, ndihmësi i tij dhe 23 udhëtarë u dërguan në spitalet e Samsunit dhe Kavakut.

Sipas të përditshmes më të madhe turke, “Zaman”, aksidenti ndodhi në kilometrin e 33-të të autostradës Samsun – Ankara.