Samsung Galaxy Tape në shtator

Rrodhën diç më shumë informata për tabletin 7-inçësh të Samsungut i cili pritet të paraqitet në treg në shtator të këtij viti. Deri më tani flitej vetëm për ekranin 7-inçësh Super AMOLED, ndërsa sipas informatave më të reja aparati do të ketë emërtimin zyrtar Samsung Galaxy Tape.
Baza hardverike është procesori ARM Cortex A8 me takt 1,2 GHz me 16 GB hapësirë për ruajtje të të dhënave. Hapësira për ruajtje mund të zgjerohet përmes kartelave memorike microSD me kapacitet deri 32 GB. Do të duhej të ketë sistem operativ Android 2.2. Prej karakteristikave tjera dihet edhe pesha prej 370 gramësh dhe bateria me kapacitet prej 4000 mAh.