Shet të ëmën në internet

Londër, 25 qershor – Anglezi tridhjetetetëvjeçar, James Doyan, ka shpallur në ueb faqen e ankandeve “eBay” shitjen e së ëmës së tij, Sandy.
Çmimi fillestar është një funt, ndërsa i biri cek në shpallje se nëna e tij është e bukur, zien mirë, është e arsimuar, e përkushtuar ndaj familjes dhe me një fjalë e hatashme. Ai ka vendosur ta nxjerrë në shitje, për shkak se tashmë shtatë vjet ajo nuk ka pasur fat në dashuri.
“Nëna ime ka stil dhe gjithnjë vishet sipas modës së fundit. Është tepër e fuqishme, pasi ka arritur që t’i rrisë e vetme fëmijët e saj dhe t’u ofrojë atyre arsimimin më të mirë të mundshëm”, shkruan në shpallje. Martesa e parë e Sandyt ka zgjatur tre vjet, ndërsa më 2003 është divorcuar përsëri pas një martese 17-vjeçare. Pas kësaj, ajo është dëshpëruar dhe nuk ka arritur të krijojë një lidhje të qëndrueshme dashurie.