Qyteti bullgar i binjakëve

Sofje, 25 qershor – Qyteti bullgar Rudnik ka një shkallë pashpjegueshëm të lartë të popullatës së përbërë nga binjakët, me një shifër katër herë më të lartë sesa mesatarja kombëtare.
Në këtë qytet prej 5.000 banorësh, që nga viti 1944 kanë lindur 56 çifte binjakësh.
Vitin e kaluar, nga 60 shtatzënësitë në Rudnik, katër kanë rezultuar me lindjen e binjakëve. Në të gjithë Bullgarinë në po këtë numër shtatzënësish mesatarisht vetëm një lindje rezulton me binjakë.
Një fenomen të tillë ekspertët ende nuk po munden ta shpjegojnë, ndërsa vendorët pohojnë se në këtë vend ekziston diçka e çuditshme në ujë.
Një gjinekolog dhe shkencëtar bullgar ka deklaruar se është e mundur që në ujërat lokale ekziston një kombinim i elementeve, të cilat nxisin ovulimin dhe krijimin e më shumë vezoreve në cikël. Megjithatë, profesori i gjenetikës, Ivo Kremenski, pohon se një dukuri e tillë është e lidhur pikë së pari me trashëgiminë gjenetike.
“Pasi bëhet fjalë për një vend tejet të vogël, një numër i madh i çifteve kanë sipas të gjitha lidhje familjare, pasi emigrimi në këto pjesë është tejet i vogël dhe materiali gjenetik ka mbetur kryesisht i pandryshuar”, ka thënë ai.