Qyteti ukrainas paguan 7 900 dollarë për një ulëse

Kiev, 28 dhjetor - Një televizion ukrainas ka zbuluar skandalin lidhur me blerjen e ulëseve të drurit, të cilat do të vendosen në qendër të Harkivit, një prej qyteteve nikoqire të Kampionatit Evropian të futbollit që do të mbahet më 2012.
Televizioni “1+1” ka njoftuar se për dhjetë ulëse të drurit janë paguar 79 mijë dollarë, përkatësisht 7 900 dollarë për një ulëse. Çmimi i zakonshëm për një ulëse të tillë është midis 500 dhe 600 dollarë.
Funksionari i qytetit të Harkivit, Anatoli Kravçuk shpejgoi se dizajni dhe prodhimi unik janë arsyeja kryesore për një çmim të tillë të lartë.