OVL e UÇK për largim të EULEX-it nga Kosova

Prishtinë, 25 qershor – Ndaj arrestimit të fundit të dy ish pjesëtarëve të UÇK-së në komunën e Gjakovës, të cilët dyshohen për krime gjatë luftës, OVL e UÇK ka reaguar me një komunikatë, ku thuhet: “Arrestimi i veteranit të luftës Rezak Imeri është vazhdimësi e gjahut të EULEX-it, kundër atyre që kontribuuan më së shumti për Kosovën. Duke parë çdo ditë e më tepër që ky mision nuk është duke luftuar kontrabandën dhe krimin e organizuar, si dhe duke toleruar strukturave ilegale të financuara nga Beogradi, ne besojmë që ky mision është i njëanshëm politikisht. I ardhur me mision të mbështetjes së sundimit të ligjit, EULEX-i nuk e ka të qartë ende hartën e Kosovës, duke lënë pjesën veriore të saj nën ligjin e askujt dhe duke penguar strukturat vendore që të ndërmarrin masat e duhura për vendosjen e rendit dhe ligjit kushtetues në tërë territorin e Kosovës.
OVL të UÇK-së, e njohur ndërkombëtarisht dhe anëtare e barabartë e federatave të veteranëve evropianë dhe botërorë, beson thellë në pastërtinë e luftës çlirimtare, e njëherësh, konsideron se arrestimet e pjesëtarëve të UÇK-së janë të motivuara politikisht.
Duke besuar plotësisht, në pafajësinë e Rezak Imerit, si dhe të tjerëve që u arrestuan me motive të njëjta, ne kërkojmë lirimin e menjëhershëm të tyre dhe ndërprerjen e represionit të EULEX-it ndaj pjesëtarëve të UÇK-së.
Dita ditës ky mision është duke e degraduar veten para popullit të Kosovës, me ç’rast edhe ne kemi shtuar nivelin e angazhimin që ky mision sa më parë