“Peshkaqenët” në rrjetë të EULEX-it

Zëvendësshefi i Misionit të BE-së për Sundim të Ligjit në Kosovë, Andy Sparkes thotë se deklaratat e fundit të zëvendëskryeministrit Hajredin Kuçi dhe ministrit të rendit, Bajram Rexhepi nuk janë fushatë e orkestruar kundër këtij misioni.
Madje në një intervistë për Zërin thotë se të dy zyrtarët qeveritarë i ka “simpati”.

Sparkes po ashtu bëhet i “sinqertë” dhe pranon se EULEX-i nuk ka qenë sa duhet efikas, veçanërisht në veri, por thotë se përgjegjësinë më të madhe për rezultatin dhe dështimin e mbajnë vendorët.

Diplomati britanik thotë se EULEX-i nuk mund t’ia sjellë Kosovës “tokën e premtuar”, pro thotë se do të bëjë përpjekje që rendi dhe ligji të forcohen, ndërsa korrupsionit t’i prehen rrënjët.

Madje, ai tha se përveç ish ministrit Limaj, janë edhe disa ministra të qeverive të Kosovës që janë duke u hetuar për korrupsion, pa menduar emra konkretë.

“Ka rreth 100 raste që EULEX është duke hetuar për korrupsion dhe krim të organizuar. Janë edhe disa ministra nën hetime. Këto janë raste të hapura”, thotë ndër të tjera Sparkes. /Telegrafi/